अनुदानित आदिवासी आश्रम शाळा देवळी पेंढरी येथे सिकलसेल तपासणी शिबीर
प्रमोद गाडगे
हिंगणा – आदिवासी संशोधन व प्रशिक्षण संस्था पुणे , आदिवासी विकास विभाग , महाराष्ट्र शासन यांचे द्वारा महाराष्ट्रातील आदिवासी विभागा अंतर्गत येणाऱ्या सर्व आश्रमशाळा व वसतिगृहे यामधील सर्व विद्यार्थ्यांचे सिकलसेल ॲनिमियाच्या स्थितीचे सर्वेक्षण करणे आणि आदिवासी विद्यार्थ्यांची सिकलसेल तपासणी करून कार्ड वाटप करण्याबाबतची योजना संदर्भात आज आकार बहुउद्देशीय ग्रामीण विकास संस्था नागपूर द्वारा अनुदानित आदिवासी आश्रम शाळा देवळी पेंढरी येथे सिकलसेल तपासणी शिबिर आयोजित करण्यात आले.
शिबिरात एकूण 303 मुलींची सिकलसेल सोलुबिलीटी तपासणी केली यामध्ये 34 मुली सिकलसेल सोलुबिलीटी पॉझिटिव्ह आढळल्या. या शिबिरात मुख्याध्यापक श्री महेश चौधरी, मुख्याध्यापिका सौ सुप्रीया तुपेकर व शिक्षक शिक्षिका उपस्थित होते.
या शिबिरात सिकलसेल कोऑर्डीनेटर विशाल बांदरे यांनी सिकलसेल आजाराबाबत मार्गदर्शन केले. शासनाच्या या योजनेद्वारा नागपूर व नाशिक विभागाअंतर्गत सुमारे पावणे दोन लाख विद्यार्थ्यांची तपासणी करण्यात येणार असून सर्व विद्यार्थ्यांना त्यांचे रोगनीदान झाल्यावर कार्ड वाटप करण्यात येतील. शिबिर यशस्वीकरीता सिकलसेल कोऑर्डीनेटर विशाल बांदरे, समीक्षा कोडापे, निकीता काजदेकर, पुजा मरसकोल्हे यांनी सहकार्य केले.
