गुलाम नबी आझाद यांचा प्रचार समितीच्या अध्यक्षपदाला रामराम

गुलाम नबी आझाद यांचा प्रचार समितीच्या अध्यक्षपदाला रामराम



पुढील लिंक वापरून WhatsApp गटामध्ये सामील व्हा : https://chat.whatsapp.com/GFPZ7vA0fjP6XRaFRqEeSD

_कॉंग्रेस पक्षाला मोठा धक्का_

जम्मू काश्मीर: गुलाम नबी आझाद यांनी जम्मू-काश्मीर काँग्रेसच्या प्रचार समितीच्या अध्यक्षपदाचा राजीनामा दिला आहे. त्यांची आजच्याच दिवशी या पदावर नियुक्ती करण्यात आली होती. आणि आजच जम्मू-काश्मीरमधील पक्षाच्या राजकीय व्यवहार समितीच्या सदस्यत्वाचाही त्यांनी राजीनामा दिला आहे. गुलाम नबी आझाद यांच्या राजीनाम्याच्या कारणाबाबत स्पष्टपणे काहीही सांगण्यात आलेले नाही.

आझाद हे काँग्रेसच्या G23 गटाचे प्रमुख सदस्य आहेत. या नव्या नियुक्त्यांमुळे काँग्रेस हायकमांड आणि आझाद यांच्यातील संबंध सुधारल्याचे मानले जात होते. आझाद यांनी 15 ऑगस्ट रोजी राहुल गांधींसोबत “आझादी गौरव यात्रेत” देखील सहभाग घेतला होता, मात्र त्याच दरम्यान त्यांच्या राजीनाम्याच्या वृत्ताने सर्वांनाच धक्का बसला आहे.

गुलाम नबी आझाद आणि काँग्रेसमध्ये अनेक मुद्द्यांवरून मतभेद आहेत.अध्यक्ष निवडीबाबत बोलणे असो किंवा काही मुद्द्यांवर पक्षाची भूमिका असो. गुलाम नबी आझाद हे देखील त्या G23 चा एक भाग आहेत जे पक्षात अनेक मोठ्या बदलांचे समर्थन करतात. या सगळ्या घडामोडींमध्ये या राजीनाम्याने गुलाम नबी आझाद आणि त्यांच्या काँग्रेससोबतच्या संबंधांवर प्रश्नचिन्ह निर्माण केले आहे.

पक्षाध्यक्षा सोनिया गांधी यांनी ही महत्त्वाची जबाबदारी ज्येष्ठ नेते आझाद यांना निवडणूक प्रचार समितीचे प्रमुख म्हणून दिली होती. काँग्रेसचे सरचिटणीस केसी वेणुगोपाल यांनी जारी केलेल्या प्रसिद्धीनुसार, सोनिया गांधी यांनी जम्मू आणि काश्मीर काँग्रेस समितीसाठी निवडणूक प्रचार समिती आणि राजकीय व्यवहार समिती (PSC) यासह सात समित्याही स्थापन केल्या होत्या. वेणुगोपाल म्हणाले होते की, सोनियांनी गुलाम अहमद मीर यांचा प्रदेशाध्यक्षपदाचा राजीनामा स्वीकारला आणि त्यांच्या जागी रसूल वानी यांची अध्यक्षपदी नियुक्ती केली. आझाद यांच्या जवळचे मानले जाणारे, वानी हे राज्य काँग्रेसचे ज्येष्ठ नेते आहेत आणि बनिहालचे आमदार आहेत.

Related Articles

LEAVE A REPLY

Please enter your comment!
Please enter your name here

[td_block_social_counter facebook="tagdiv" twitter="tagdivofficial" youtube="tagdiv" style="style8 td-social-boxed td-social-font-icons" tdc_css="eyJhbGwiOnsibWFyZ2luLWJvdHRvbSI6IjM4IiwiZGlzcGxheSI6IiJ9LCJwb3J0cmFpdCI6eyJtYXJnaW4tYm90dG9tIjoiMzAiLCJkaXNwbGF5IjoiIn0sInBvcnRyYWl0X21heF93aWR0aCI6MTAxOCwicG9ydHJhaXRfbWluX3dpZHRoIjo3Njh9" custom_title="Stay Connected" block_template_id="td_block_template_8" f_header_font_family="712" f_header_font_transform="uppercase" f_header_font_weight="500" f_header_font_size="17" border_color="#dd3333"]
- Advertisement -spot_img

Latest Articles