ग्रामदेवता
गावकुसावर ग्रामदेवता
वसूनी आशिश देते
साऱ्या गावाचे ही माय
सदैव रक्षण करते
रक्षणकर्ती ग्रामदेवता
साऱ्यांची तिजवर भक्ती
संकटांशी लढण्याची
देते साऱ्यांना ती शक्ती
तिला भजती श्रध्देने
पूजा अर्चन करूनी
नेम तिच्या उत्सवाचा
होई साजरा ऐक्याने
भेदभाव इथे न दिसे
विसरती वैरभाव सारे
यात्रा, जत्रा यथासांग
हर्षाला उधाण खरे
चुरशीच्या कुस्त्या होती
लोककला फड रंगती
महाप्रसादाचे आयोजन
लोकवर्गणीतून करती
ग्रामदेवतेच्या श्रध्देसाठी
ऐक्यभाव हा इथे नांदतो
भक्ती आणि परंपरेची
सदैव ग्वाही देत राहतो
वृंदा(चित्रा)करमरकर
सांगली जिल्हाः सांगली.
==========
