वाढत्या कोरोनामुळे शांघाय फिल्म फेस्टिव्हल रद्द
_पुढील वर्षी होऊ शकते आयोजन_
शांघाय चित्रपट महोत्सव, चीनचा सर्वात प्रतिष्ठित चित्रपट महोत्सव असून त्या दरवर्षी जूनच्या मध्यात आयोजन केले जाते. मात्र यावेळी कोरोनामुळे शांघाय फिल्म फेस्टिव्हल रद्द करण्यात आला आहे. अहवालानुसार, आता हा महोत्सव पुढील वर्षी 2023 मध्ये आयोजित केला जाईल. शांघाय आंतरराष्ट्रीय चित्रपट आयोजन समितीचे म्हणणे आहे की जून 2022 मध्ये होणारा चित्रपट महोत्सव पुढील वर्षापर्यंत पुढे ढकलण्यात आला आहे.
*पुढील वर्षी केले जाऊ शकते आयोजन*
मीडिया रिपोर्ट्सनुसार, फिल्म फेस्टिव्हलच्या आयोजकांनी याबद्दल सर्वांचे आभार मानले आहेत आणि माफीही मागितली आहे. ते म्हणतात की जर कोरोनापासून थोडासा दिलासा मिळाला आणि अटी मंजूर झाल्या, तर उत्तरार्धात, संबंधित चित्रपट महोत्सव आणि थीमवर आधारित कार्यक्रमांचे नियोजन आणि आयोजन केले जाईल.
*पुन्हा वाढत आहे कोरोना*
जानेवारी 2020 ते जुलै 2021 पर्यंत चीनमध्ये कोरोनाचा प्रादुर्भाव शिगेला पोहोचला होता. यादरम्यान चित्रपटगृहे बंद ठेवण्यात आली होती आणि लॉकडाऊन लागू करण्यात आला होता. नंतर जेव्हा कोरोना थोडा कमी झाला, तेव्हा पुन्हा सर्व काही उघडले. त्याचवेळी, कोरोनाचे डेल्टा प्रकार आल्यानंतर चीनमध्ये पुन्हा लॉकडाऊनसारखी परिस्थिती निर्माण झाली. त्यानंतर पुन्हा लॉकडाऊन लागू करण्यात आला. तथापि, शांघायला 1 जून 2022 रोजी पुन्हा उघडण्याची परवानगी देण्यात आली. सध्या चीनमध्ये कोरोना पुन्हा वाढू लागला आहे.
