सतीश राणे बेस्ट सेक्रेटरी ऑफ द मल्टिपल पुरस्काराने सन्मानित
गोंदिया/ नागपूर: लायन्स क्लब नागपूरचे सचिव सतीश राणे यांना “राज सन्मान” जिल्हा पुरस्कार समारोह सोहळा या कार्यक्रमात “बेस्ट सेक्रेटरी ऑफ द मल्टिपल व बेस्ट फाईव्ह सेक्रेटरी ऑफ द डिस्ट्रिक्ट ” च्या पुरस्काराने सन्मानित करण्यात आले.
गोंदिया येथे रविवार, 24 जुलै रोजी, हा पुरस्कार सोहळा संपन्न झाला. या पुरस्कार सोहळ्यात लायन्स क्लब नागपूर ला 2021 -22 या वर्षासाठी कार्यकारणीला आयुर्वेद क्षेत्रात अकरा पुरस्काराने सन्मानित करण्यात आले. यामध्ये मधुमेह जनजागृती, ग्रामीण भागात राबविलेले , विदर्भ लायन, व्हिजन, हंगर, पर्यावरण, बाल कॅन्सर, लायन्स क्वेस्ट आदीं क्षेत्रात पुरस्काराने सन्मानित करण्यात आले.
या पुरस्काराचा स्वीकार क्लबचे अध्यक्ष डॉ. देवदत्त खोब्रागडे, सचिव सतीश राणे, कोषाध्यक्ष डॉ.प्रशांत गणोरकर व क्लबच्या सदस्यांनी केला. या समारंभाला वर्तमान क्लब च्या अध्यक्षा पार्वती राणे, सचिव भावना भलमे, कोषाध्यक्ष कल्पना भोवरे, डॉ. रसिकलाल, शोभना , डॉ.अमिता खोब्रागडे डॉ.रमेश बारस्कर डॉ.महेश भोवरे आदी उपस्थित होते.
