गुंथारा येथील आरवची नवोदयसाठी निवड
धारगाव : गुंथारा येथील विद्यार्थी आरव भारत गोमासे याची नवोदय विद्यालय पाचगाव येथे निवड झाली आहे. सध्या तो जिल्हा परिषद हायस्कूल लाखनी येथे इयत्ता पाचवी मध्ये शिक्षण घेत आहे.
आरवला शिक्षणात आवड आहे. त्यामुळे नवोदय परीक्षेसाठी शाळेचे मुख्याध्यापक व वर्गशिक्षक ईश्वर निकुडे यांनी त्याला मार्गदर्शन केले. नवोदय परीक्षेत आरावने 98 गुण घेत यश संपादन केले. त्याच्या यशाबद्दल जिल्हा परिषद प्राथमिक शाळा गुंथारा येथे त्याचा गौरव करण्यात आला.
या कार्यक्रमा प्रसंगी श्याम सार्वे, रमेश चावरे, भोजराज सार्वे, सचिन गोमासे उपस्थित होते. आरवणे आपल्या यशाचे श्रेय मुख्याध्यापक ईश्वर निकुडे, शिक्षक लांडगे, शिक्षिका धरती बोरवार, अनिता धूर्वे यांना दिले. या कार्यक्रमात आरवची आई सुरेखा गोमासे, वडील भारत गोमासे तसेच गावातील नागरिक सहभागी झाले होते. कार्यक्रमाचे संचालन सोपचंद शिरसाम यांनी तर आभार धरती बोरवार यांनी मानले.
