रंगात तुझ्या…
फाल्गुन कृष्ण पंचमीचा
साजरा उत्सव होळीचा
सप्तरंगाच्या रंगात न्हाऊन
चल आस्वाद घेऊ पोळीचा
तुझे वसंतासम आगमन
उधळण रंगांची करणारे
राधा-श्रीकृष्ण पूजन आरंभी
मनास मोहून भुलवणारे
प्रेमाचा सुंगध उधळून
संस्कृती,नाते जपणारे
बेधुंद उधळून सारे रंग
मणभर ओलाव्यात भिजणारे
सूर्य देवाची प्रखर झळ
पाहून तुझ्याकडे खेळास जोर
लाही उन्हाच्या कहरात …
रंगात मस्ती तुझी खट्याळ फार
ऋतू शुभारंभ तुझा
नि माझ्या प्रेमात शीतलता
शास्त्र असे सांगते बघ
दूर करू दुराव्याची प्रखरता
तुझ्या रंगात न्हाऊनी
प्रेमाची संस्कृती जपुया
द्वापार , कली युगाची महती
नवीन युगलांस सांगुया
सिंधू बनसोडे.इंदापूर.पुणे