क्रीडा प्रबोधिनी पुणे येथे
फुटबॉल निवड चाचणीचे आयोजन
सतीश भालेराव, नागपूर
नागपूर : 25 ते 26 जून दरम्यान शिवछत्रपती क्रीडा संकुल, म्हाळुंगे, बालेवाडी पुणे येथील क्रीडा प्रबोधिनीत खेळाचे प्रशिक्षण व संघ उभारणी, नव्याने खेळाडू भरतीसाठी वयोगट 14 ते 16 वर्षाखालील खेळाडूंची निवड चाचणीचे आयोजन करण्यात येत आहे.
नागपूर व अमरावती विभागाचे 25 ते 26 जून या कालवधीत नेहरु स्टेडियम अमरावती येथे सर्व निवड चाचणी खेळाडूंनी सकाळी 7 वाजता उपस्थित रहावे. 14 व 16 वर्षाखालील खेळाडूंची जन्मतारिख 1 जानेवारी 2006 ते 1 जानेवारी 2008 या दरम्यानची असावी. उंची अनुक्रमे 158 सेंटीमीटरच्यावर व 165 सेंटीमीटरच्यावर असावी. निवड चाचणीमध्ये खेळाडूंची उंची, शारीरीक क्षमता, कौशल्य चाचणी, खेळातील कामगिरी या निकषानुसार निवड करण्यात येणार आहे.
या निवड चाचणीमध्ये फक्त खेळाडूंची निवासाची व्यवस्था करण्यात येणार आहे. प्रवास व भोजन खर्च स्व:खर्चाने करण्यात यावा. चाचणीस येतांना खेळाडूंचा जन्मतारखेचा दाखला सोबत आणावा. असे नागपूर जिल्हा क्रीडा अधिकारी पल्लवी धात्रक यांनी कळविले आहे.