बरे नाही
खरे तेच माझे सत्यता
नाकारणे बरे नाही
गोड बोलणार्याचे बोल
स्वीकारणे बरे नाही.
दुसऱ्याचे एकदा
ऐकुन घे ना जरासा
वाचाळ बडबड
अंगीकारणे बरे नाही.
लगेच का येतो
हमरीतुमरीवर दोस्ता
हात असा इतरांवर
उगारणे बरे नाही.
संयम धर जरा
सबुरीने घेत जावे
मग पश्चाताप करूनी
झुरणे बरे नाही.
कळते मलाच सारे
इतरांना काही ना कळे
अहंभावात अशा
वावरणे बरे नाही.
केव्हा काय होईल
सांगता येत नाही
संकटसमयी सरदारला
विसरणे बरे नाही.
दिपककुमार सरदार
ता, लोणार जि.बुलढाणा
=======