या शाळेला विसरू नकात
येतात पाखरे जातात पाखरे
यशाची शिखरे चढ करण्यासाठी
असतात इथे तोपर्यंत अगदी आमचीच असतात
शिक्षणासाठीच नव्हे तर सुख दुःखातही सामील होतात
अगदीच समजावले प्रेमाने तर प्रत्येक गोष्ट समजतात
कधी रागावले तरी पटकन विसरून जातात
मनाच्या कप्प्यात आपसूकच एक घर बनवतात
येतो जेव्हा निरोप समारंभ
……आठवणींचे भांडार बनतात
प्रत्येक वेळी असेल वेगळा तरीही एकच अनुभव येतो
माझे विद्यार्थी छानच आहेत शब्द आपोआप निघून जातो
विद्यार्थ्यांपासून लेकरांपर्यंतचा प्रवास माझ्या नकळत ती करतात
जेव्हा जातात ना ती सोडून… फक्त आठवणी ठेवून जातात
जा बाळांनो, जाण्याचे तर दु:ख आहेच मनी
पण जाल तिथे यशस्वी व्हाल याचीही वाटते हमी
शिक्षण दिले, शिस्त दिली.. जमेल तसे संस्कारही दिले
ही शिदोरी कायमची राहू द्या सोबत जरी कुठेही तुम्ही गेले
पुढे जाताना कधीच मागे पाहू नकात
कधी वाटलेच रिकामे तर या शाळेला विसरू नकात….
या शाळेला विसरू नकात……
शर्मिला देशमुख घुमरे
ता केज,जि.बीड
=========