व्हिजन इंग्लिश मिडीयम शाळेत, गुढीपाडव्यानिमित्त विविध कार्यक्रम
अमृता खाकुर्डीकर, पुणे प्रतिनिधी
पुणे: चैत्र शुध्द वर्ष प्रतिपदेच्या गुढी पाडवा निमित्ताने वडगाव शेरी येथील “व्हिजन इंग्लिश मिडीयम” शाळेत विविध कार्यक्रमाःचे आयोजन करण्यात आले होते. कार्यक्रमात प्रारंभी दीपप्रज्वलन व प्रतिमा पूजन करून गुढीचे पूजन करण्यात आले. नव्याने प्रवेश घेतलेले विद्यार्थी व पालक यांच्या हस्ते गुढी ऊभारण्यात आली.
पूर्व प्राथमिक विभागाच्या पर्यवेक्षिका रेणू मॅडम यांच्या प्रास्ताविकानंतर शिक्षिका अमृता कुबल यांनी हिंदू नववर्ष व गुढीपाडवा याचे महत्वं विद्यार्थ्यांना समजावून सांगितले. मुख्याध्यापिका ममता अग्रवाल, प्राथमिकच्या मुख्याध्यापिका रेश्मा कारळे यांच्या मार्गदर्शनाने विविध कार्यक्रमांचे आयोजन करण्यात आले होते. विद्यार्थी, पालक व परिसरातील प्रतिष्ठीत नागरिक कार्यक्रमास उपस्थित होते..शिक्षिका ललिता घवघवे यांनी आभार मानले.
