सत्य तेच खरे
चिमुकल्याच्या पाठीवर
मणभर ओझे
मोठ्या दप्तरात
आहे तरी काय तुझे ॥१॥
वह्या पुस्तकांचा ढीग
लागतो का रोज
सत्य तेच खरे आहे
सांगेल तोच गुज ॥२॥
पाठीवर भूगोल
घेऊन फिरतो
पृथ्वीला गोल गोल
प्रदक्षणा मारतो ॥३॥
शिकणे म्हणजे
दमणे नाही
सत्य तेच खरे आहे
बोलणे हे सोपे नाही ॥४॥
शास्त्र भाषा म्हणती
कसा चढणार गड
तुझ्या पेक्षा तुझे
ज्ञान झाले जड ॥५॥
गणिक बसले
दप्तरात दडून
सत्य तेच खरे आहे
काढ तूं मोडून ॥६॥
नीला पाटणकर,शिकागो
=============