माझी पाककला
ग्रीन शेंगोळे
साहित्य: गहू एक किलो, दोन वाट्या ज्वारी, एक वाटी चनाडाळ, एक वाटी मूगडाळ, एक वाटी मटकी (वरील सर्व एकत्र दळून आणावे) दोन टोमॅटो ,दोन कांदे,आठ-दहा लसण पाकळ्या ,एक वाटी चिरलेला पालक,एक वाटी कोथिंबीर ,आठ-दहा हिरव्या मिरच्या (या सर्व साहित्याची पेस्ट करून घ्या) मीठ, हळद,लाल तिखट, ओवा एक चमचा, तीळ अर्धी वाटी इत्यादी.
फोडणीसाठी साहित्य: एक वाटी कांदा खोब-याचे वाटण, आले, लसण पेस्ट एक चमचा, दोन चमचे तिखट, हळद,एक चमचा गरम मसाला, दोन मोठे चमचे तेल, मीठ,अर्धी वाटी कोथिंबीर
कृती: वरील पेस्टमध्ये तिखट, मीठ, हळद,ओवा ,तीळ घाला. त्यात बसेल एवढे पीठ घालून घट्ट मळा.गोलगोल शेंगोळे तयार करून घ्या.पातेल्यात तेल घाला.आले लसण पेस्ट,कांदा खोब-याचे वाटण घालून परता. तिखट ,हळद, गरम मसाला घालून परता.दोन गडवे पाणी घाला. उकळी आली की त्यात शेंगोळे घाला. मंद आचेवर शिजू द्या.नंतर कोथिंबीर घाला.
मीनाक्षी काटकर
दारव्हा यवतमाळ