उसनवारी
नाही केली कधी फितुरी
ना केली कधी गद्दारी
ताठ मानेने तो जगला
नाही कुणाची उसनवारी
कष्ट अपार सोसले
केला सोन्याचा संसार
लेकरांच्या कल्याणासाठी
झिजविला देह वारंवार
पतिव्रता पत्नी होती
सुखदुःखाची सोबती
इच्छाअपेक्षांची तिच्या
केली आनंदाने पूर्ती
मायबाप पुण्यवान
श्रावणबाळ तो झाला
अखेरच्या श्वासापर्यंत त्यांच्या
सेवेसाठी तो खपला
अन्नदात्री धरणीमाय
मशागती तो झुंजला
फुलवण्या नंदनवन
माती रंगी तो रंगला
स्वभाव निर्मळ प्रेमळ
सद्गुणांची जणू खाण
नव्हती प्रपंच सुखाला
कधी कुठली ती वाण
आयुष्यभराची कमाई
स्वत्व जपण्याची खरी
नाही करावी लागली
तसूभरही उसनवारी
पांडुरंग एकनाथ घोलप
ता.कर्जत जि.रायगड
=========
