नववर्ष
एक वर्ष निघून जाते
जुनी आठवण उरी राहते
नवी उमेद नवी दिशा
नव्याने उजळून येते
आनंदाचे गात तराणे
रंगाची सुंदर उधळण होते
स्वप्न एक नव्याने सजून येते
चैतन्याचे वारे चहूकडे वाहते
इतर दिवसारखा हा दिवस
सूर्य उगवतो तसाच मावळतो
नव्या आशेचा नव किरणाचा
सोनेरी नजारा घेऊन येतो
जुन्या वर्षातील दुःख विसरून
सुखाच्या क्षणाची साठवण असते
नव्या वर्षात आनंद देणारी
एक सुंदर अशी ही पहाट असते
पुष्पा डोनीवार
बाबुपेठ वार्ड चंद्रपूर