परतीचा प्रवास
सिंहावलोकन करु सारे
मावळत्या सालभराचे
काय कमवले अन् गमवले
गणित परतीच्या प्रवासाचे
निरोप देताना स्मरण करु
सुखकारक अशा घटनांचे
बोध घेऊन करु विस्मरण
क्लेशदायक दुःखी प्रसंगांचे
देह हा अनमोल मानवा
लाव सत्कारणी सर्वांच्या
कर आठवण गतसालाची
कामी आलो मी कितींच्या
फुकेच गेले वर्ष असे हे
सल मनात का सलते ही
आतातरी कर ठाम संकल्प
व्यर्थ मी जाऊ देणार नाही
मागोवा परतीच्या प्रवासाचा
मनभेद मिटवू परस्परातील
स्नेह जुळवून नाती जपावी
वृद्धी करावी आपुलकीतील
बळवंत शेषेराव डावकरे
मुखेड जिल्हा नांदेड
========
