बहरला पळस
निसर्गाचा ऋतू बदलला
नव पालवी मिरवते थाटात..
मोहक वृक्ष छटा फुलवूनी
रंगीत होते सृष्टी वसंतात…
शिषिराची ओसरली थंडी
अन् बहरला पळस वनी..
बोडकी झालेली वृक्षराजी
आली वाटे रंगात न्हाऊनी..
लाल केशरी मखमाली शालू नेसूनी..
नवयौवना उभी जणु रानात..
तारूण्याचा बहर पसरतो
वसंत संगे पळसात..
पळसाचे वृक्ष बहु उपयोगी
द्रोणे,पत्रावळी बनते पानांची..
फूलांची महती मिळते
आयुर्वेदात…
बालगोपालांची रंगपंचमी
साजरी होते पळसाच्या रंगांनी…
सरस्वती अन् कालिकेला
आवडती हे फूल तीन पानी
बिया,साल,फुले,पाने
किती करावे वर्णन..
रानातील हे पळस आहे
अत्यंत बहुगुणी..
मृदुला कांबळे गोरेगांव -रायगड
=======