आद्यजनक
मूळ शोधिले गुलामगिरीचे
दिसला अभाव शिक्षणाचा
आद्यजनक ज्योतीबा तुम्ही
क्रांतीसूर्य आम्हा बहुजनांचा
आसूड ओढले अंधश्रद्धेवर
बीज पेरीले स्रीशिक्षणाचे
तुमचीच ही फलनिष्पत्ती
सुखकर जीवन नारीचे
स्तोम अंधश्रद्धेचे माजवले
मनुवादी विचारसरणीने
आसूड ओढले विचारांचे
सडेतोड परखड शैलीने
पाहता पिळवटे काळीज
कळवळा मनी पोशिंद्याचा
पुसे जाब गोऱ्या शासनाला
प्रखर विरोध जाचक अटींचा
आद्यजनक शिवजयंतीचे
क्रांतीसूर्य ज्योतीबा फुले
सत्यशोधक धर्मविचारांची
खोलवर रुजवुया पाळेमुळे
बळवंत शेषेराव डावकरे
मुखेड जिल्हा नांदेड