महाराष्ट्र माझा
जिजाऊचे असे जिथे मातृत्व
शिवबाचे वसे धुरंधर नेतृत्व
संतांच्या ठाई वैराग्याचा नूर
ओसंडे येथे हृदयाहृदयातून
ज्ञानोबा तुकोबा भक्तीचा महापूर
इथेच उदयला वाघ वारणेचा
इथेच दीप पेटला क्रांतीज्योतीचा
शौर्यशील नर रत्नांची इथेच खाण
फुलवी तटे गोदामाईचे जलपान
बळी उगवितो हरितक्रांतीचे वाण
लेण्या उंचाविती जगात सन्मान
सर्वधर्मसमभाव असा महाराष्ट्र माझा
ज्याचा मला सार्थ कायमच अभिमान…
तारका रुखमोडे
अर्जुनी मोर,जि.गोंदिया