तिसरी घंटा
हे जीवन जणू रंगमंच
इथे सारेच कलाकार
तीन घटकांच्या खेळात
करावा अभिनय साकार
पहिली घटिका बालपणीची
मौन घेऊन येते सुख अंगणी
बालपणीचे ते क्षण सुखाचे
खुलून दिसतात लोचणी
दुसरी घटिका तारुण्याची
कर्तव्याची, जबाबदारीची
सोनेरी स्वप्ने प्रेमाची अन्
ध्येय शिखर गाठण्याची…
श्वास घेण्यासाठी ही…
मिळेना निवांत वेळ
तेव्हाच खेळते नियती
संधी साधून अचूक खेळ…
गजर करते तिसरी घंटा
आसपास नसतांना कुणी
क्षीण श्वासासवे थकले गात्र
मिटती पापण्या कुठल्या क्षणी
संपत येतो आयुष्य खेळ
याच तिसऱ्या घंटे नन्तर
समजून घे रे मानवा येथे
जन्म ते मृत्यूत श्वासाच अंतर.
इंदू मुडे, ब्रम्हपुरी
जि.चंद्रपूर.
============