हृदयी वसंत फुलताना
शब्दातीत आनंदबहर
कलिका मनाची खुलताना
अतुल्य आविष्कार काव्याचा
हृदयी वसंत फुलताना
मानवी जन्म आनंदयात्रा
शब्दांची गुंफण सौख्यदात्री
लोभस क्षणी काव्यनिर्मिती
अनुभवतो आनंदयात्री ..२
शब्द शाईचे थेंब अनोखे
लेखणीतून पाझरतात
अंतरीच्या कागदाभोवती
काव्यनक्षी फेर धरतात ..३
हृदयी वसंत फुलवत
जणू झंकारतो काव्यनाद
स्वतःचाच परिचय होण्या
साधू थोडा निवांत संवाद ..४
आत्मज्योत होई प्रज्वलीत
तम अवघा दूर सारता
आनंदयात्री ठरु आपण
सकारात्कता स्विकारता ..५
काव्यरूपी नवनिर्मितीने
गूढ अंतरीचे उकलावे
आनंदमय होण्या जीवन
वसंताचे आगमन व्हावे ..६
सचिन शंकर पाटील
अलिबाग, रायगड
=