संगम
संगम
दोन जीवांचा…
पण आधी तो
असावा मनांचा…
राधा कृष्णासम
दोन जीव एक प्रांणांचा..
सीता रामाच्या
त्याग,वचन,समर्पणाचा…
संगम
हृदयाशी हृदयाचा..
धकधकणाऱ्या ठोक्यातून
येणाऱ्या आर्त भावनांचा…
संगम
गुरू-शिष्यातील
सूक्ष्म समर्पण भावाचा..
संस्कार साधनेच्या
आत्मिक नात्याचा…
संगम
दऱ्याखोऱ्यातून जीवाच रान
करीत वाहणाऱ्या..
नदी-सागराचा..
अस्तित्व ना उरावे वेगळे
अश्या सागरी लाटात समावण्याचा…
संगम
धरा-अंबराचा
तहानलेल्या तप्त धरेवर
पावसाच्या शीतल थेंबानी
वर्षाव करीत
विरह वेदना क्षमविण्याचा…
संगम असावा असा..
संगम असावा असा..
संध्या मनोज पाटील
अंकलेश्वर, गुजरात
=========
