प्रवास
साहित्य माझे जीवन
मज तयाचा आधार
अनमोल क्षेत्रातून
स्वप्न होतसे साकार||१||
असे सुंदर साहित्य
येतसे माझ्या जीवनी
सदैव राही सोबत
आपल्याच आजीवनी||२||
दोन वर्षांपूर्वी आलो
साहित्यिकांच्या क्षेत्रात
प्रत्येक कवींच्या कविता
अशा भरल्या नेत्रात||३||
वाचूनी निर्माण झाली
कविता करण्याची आवड
दैनंदिन जीवनातून
थोडी काढली सवड||४||
काव्यांजली, अभंग
शिकलो काव्यप्रकार असे
नवनवीन प्रकार शिकण्याची
इच्छा माझ्या मनी वसे||५||
साहित्य क्षेत्राचा प्रवास
साहित्य हे माझे जीवन
परमेश्वरा घालतो साकडे
सोबत राहो आजीवन||६||
विनायक कृष्णराव पाटील
बेळगाव, कर्नाटक
======
