सेनेच्या बंडखोर आमदारांचा ठिय्या आता आसामात
सूरत: एकनाथ शिंदे यांनी शिवसेनेच्या नेतृत्वाविरोधातच दंड थोपटले आहेत. एकनाथ शिंदे यांच्यासहीत ३३ आमदार सुरतमध्ये आहेत. या सगळ्या आमदारांना स्पाईस जेटच्या विमानाने आसामच्या गुवाहाटीमध्ये नेलं जातं आहे. महाराष्ट्राच्या राजकारणात एकनाथ शिंदे यांच्या बंडाने भूकंप घडवला. एकनाथ शिंदे आणि त्यांच्यासोबतचे आमदार हे नॉट रिचेबल होते. त्यानंतर हे सगळे सुरतला असल्याचं समोर आलं. आता या सगळ्यांना गुवाहाटीला नेण्यात येतं आहे.
