‘सुरभी’ संगीतमय रजनीचे २५ जून रोजी आयोजन
नागपूर: साऊंड ऑफ म्युझिक आपल्या 50 व्या कार्यक्रमानिमित्त दि.शनिवार 25 जून रोजी सुरभी 2022 या शीर्षकाखाली संगीतमय कार्यक्रमाचे आयोजन करणार आहे. हा कार्यक्रम विनामूल्य असणार आहे
गीता रॉय मेमोरियल हॉल, छोटी धंतोली, सारस्वत वाचनालयाच्या वर, छोटी धंतोली, नागपूर येथे सायंकाळी 5.30 वाजता हा कार्यक्रम सादर होईल. या कार्यक्रमाची संकल्पना दिग्दर्शक बाबूभाई पटेल आणि सहकारी योगेश परांजपे यांची आहे. ज्यामध्ये महेंद्र ढोले आणि प्रकाश यांच्यासोबत ज्युबिली चित्रपटांच्या गाण्यांना लाईव्ह संगीत सादर केले जाणार असून, शविंद्र बिसेन हे आवाजाची व्यवस्था सांभाळतील. प्रसिद्ध सरोद वादक शंकर भट्टाचार्य, महानगरपालिकेच्या क्रीडा व सांस्कृतिक विभागाचे उपायुक्त विजय देशमुख आणि महाराष्ट्र शासनाच्या सरकारी वकील श्रीमती मैथिली हे अतिथी म्हणून उपस्थित राहणार आहेत.
गायिका विजया देशकर, आरती किल्लेदार, अनुराधा पाटील, प्रज्ञा आगलावे, मेघा कोठे, गायत्री खेडकर, राखी गाधिकर, धेया चासकर, नरेंद्र इंगळे, मिलिंद कवित, अरविंद शिंदे, मंगेश भोयर, विजय लिमजे, उमेश पटेल, कीर्ती पटेल, कीर्ती पाटील आदी गायक सादरीकरण करणार आहेत. या कार्यक्रमाचे मुख्य प्रायोजक रोकडे ज्वेलर्स आहेत. प्रेक्षकांच्या आकर्षणासाठी लकी ड्रॉ ठेवण्यात आला असल्याचे एका प्रसिद्धी पत्रकात म्हटले आहे.
