मुलीला मोफत शिकवणी, बदल्यात आईशी जबरदस्ती शारीरिक संबंध, नराधम शिक्षक निलंबित
रायचूर : कर्नाटकातील रायचूर जिल्ह्यातील एका सरकारी शाळेतील शिक्षकावर गंभीर आरोप करण्यात आले आहेत. मुलीच्या आईवर शारीरिक संबंधासाठी दबाव टाकून तिचा अश्लील व्हिडिओ लीक केल्याप्रकरणी शिक्षकाला निलंबित करण्यात आले आहे. तपासादरम्यान आरोपी लहान मुलांसोबतही अश्लील कृत्य करत असल्याचे समोर आले. पोलीस या प्रकरणाचा तपास करत आहेत.
*शिक्षक कोण होते*
मोहम्मद अझरुद्दीन असे आरोपीचे नाव असून तो सिंगापुरा सरकारी शाळेचा शिक्षक आहे. पोलिसांनी रविवारी सांगितले की, आरोपी शिक्षकावर शाळकरी मुलांशी गैरवर्तन केल्याचाही आरोप आहे. शिक्षकाविरुद्ध तक्रार आल्यानंतर सार्वजनिक सूचना विभाग आणि रायचूर जिल्ह्याच्या उपसंचालकांनी निलंबनाचे आदेश जारी केले.
*काय आहे संपूर्ण प्रकरण*
पोलिसांनी दिलेल्या माहितीनुसार, मुलीच्या आईने आरोप केला आहे की, शिक्षकाने तिला शिकवणीसह सरकारी सुविधा देण्याचे आश्वासन दिले होते. त्या बदल्यात त्याने सेक्स करण्याबाबत सांगितले.
*व्हिडिओ देखील बनवला*
आरोपी शिक्षकाने खाजगी क्षण रेकॉर्ड केल्याचा आरोप पीडित महिलेने केला आहे. तसेच तिला सहकार्य करावे, अन्यथा तिचा व्हिडिओ सोशल मीडियावर व्हायरल करू, अशी धमकी दिली. नंतर त्याने तो व्हिडिओ व्हायरल केला. याप्रकरणी महिलेने करातगी पोलिस ठाण्यात तक्रार दाखल केली होती.