नागपूर ट्रेलर ओनर्स युनियनची वार्षिक बैठक संपन्न
नागपूर – दि 26 जुलै रोजी नुकत्याच झालेल्या नागपूर ट्रेलर ओनर्स युनियनच्या वार्षिक सभेत वर्षभराचा लेखाजोखा व उत्पन्न व खर्चाचा तपशील सादर करण्यात आला. या युनियनमध्ये 450 हून अधिक सभासद सहभागी झाले होते. नागपूर शहरातील सक्रिय वाहतूक युनियनमध्ये या युनियनचा सहभाग आहे. नागपुरात वाहतूकदारांच्या अनेक समस्या असून त्यामध्ये पार्किंग आणि टोलनाक्यांवर भेडसावणाऱ्या समस्या प्रमुख आहेत.
नागपूर ट्रेलर ओनर्स युनियनच्या वार्षिक बैठकीतही या समस्यांकडे लक्ष वेधण्यात आले. या बैठकीत सर्व सभासदांनी सहभाग घेऊन आपल्या समस्या युनियनपर्यंत पोहोचवल्या. युनियनचे अध्यक्ष शैलेंद्र मिश्रा यांनी सर्वांच्या समस्यांचा विचार करण्याचे आश्वासन दिले. कोषाध्यक्ष सुधीर कापसे यांनी सभेत उत्पन्न खर्चाचा तपशील मांडला.
यासोबतच उपाध्यक्ष नागोराव वाघ यांनीही युनियनतर्फे भविष्यात करावयाच्या कार्याची माहिती यावेळी दिली. यावेळी स्नेहभोजनाचेही आयोजन करण्यात आले होते.
