महापारेषण चंद्रपूरमध्ये कमी केलेल्या कंत्राटी कामगारांना परत सामावून घेणार
_तांत्रिक अप्रेंटिस कंत्राटी कामगार असोसिएशनच्या प्रयत्नाला यश_
गजानन ढाकुलकर
मुंबई :-महापारेषण कंपनीमधील चंद्रपूर मंडळांतर्गत कंत्राटी कामगारांना स्टाफ सेटअप च्या नावाखाली कमी करण्यात आले होते.चंद्रपूर महापारेषण विरुद्ध संघटनेने आंदोलन पुकारले होते. त्या आंदोलनाची दखल घेत ५४ कंत्राटी कामगारांना कामावर हजर करून घेतले. उर्वरित १७ कंत्राटी कामगारांना रिक्त जागा नसल्याच्या कारणाने रुजू करून घेण्यात आले नव्हते .
१७ कंत्राटी कामगारांना कामावर त्वरित हजर करून घेण्याबाबत आंदोलनाची नोटीस दिली होती तसेच मुख्यालय प्रकाश गंगा येथे मुख्य औद्योगिक संबंध अधिकारी यांच्याशी चर्चा करून उर्वरित कंत्राटी कामगारांना लवकरच हजर करून घेतल्या जाणार असल्याची माहिती तांत्रिक अप्रेंटिस कंत्राटी कामगार असोसिएशनचे राज्य कार्याध्यक्ष श्री.विकी कावळे यांनी प्रसिद्ध केलेल्या पत्रकात दिली आहे.
