मनसेच्या वतीने सहकार नगर येथे 25 ऑगस्ट रोजी भव्य दहीहंडी
नागपूर : महाराष्ट्र नवनिर्माण सेनेच्या दक्षिण पश्चिम विभागा तर्फे गुरुवार दिनांक 25 ऑगस्ट रोजी स्थानिक सहकार नगर मैदान गजानन मंदिर जवळ संध्याकाळी 5 वाजता. भव्य दहीहंडी उत्सवाचे आयोजन करण्यात आलेले आहे.
या कार्यक्रमाच्या यशस्वीतेसाठी मनसेचे राज्य सरचिटणीस हेमंत गडकरी यांच्या उपस्थितीत आठवडा भर प्रमुख आयोजक विभाग अध्यक्ष तुषार गिऱ्हे, शहर अध्यक्ष अजय ढोके, चेतन बोरकुटे, शिरीष पटवर्धन, चेतन शिरालकर, व सर्व पदाधिकारी कसून तयारी करीत आहे, या उत्सवरुपी स्पर्धेत विविध ठिकाणच्या चमू आमंत्रित करण्यात आले आहे. या दहीहंडी उत्सवाला सर्वच क्षेत्रातील मान्यवरांना आमंत्रित केले आहे, रोख रक्कम 75 हजार रुपये प्रथम बक्षीस दिले जाणार आहे असे आयोजकांनी सांगितले आहे.
