दिलीप गायधने यांचे अल्प आजाराने निधन
नागपूर : शहरातील कर्नल बाग गाडीखाना येथील ज्येष्ठ सामाजिक कार्यकर्ते दिलीप श्रावणजी गायधने यांचे आज सकाळी 11 वाजता अल्प आजाराने दुःखद निधन झाले. त्यांच्या मागे पत्नी कुंदा, मुलगा कुणाल व दोन मुली व बराच मोठा आप्तपरिवार आहे. मृत्यू समयी त्यांचे वय 63 वर्षाचे होते.
त्यांचा राष्ट्रीय स्वयंसेवक संघ व भाजपशी निकटचा संबंध होता. त्या परिसरातील माजी नगरसेविका प्रभाताई जगनाडे ह्या त्यांच्या भगिनी होत. आज सायंकाळी ६ वा. मोक्षधाम स्मशानभूमीवर अंतिम संस्कार पार पडला. त्यावेळी विविध क्षेत्रातील मान्यवर मंडळी मोठ्या संख्येने उपस्थित होती व शांती मंत्राने सामूहिक श्रद्धांजली अर्पण करण्यात आली.