प्रेरणास्थान
जीवनातील प्रेरणास्थान
पहा आहेत माझे गुरू
त्यांच्या आशीर्वादाने
माझा मार्ग होई सुरू||१||
शाळेत असताना दिली
मोलाची अशी शिकवण
जीवनातील विचारांची
करुन दिली जडणघडण||२||
पाठ्यपुस्तकातील धड्यांचा
केला जीवनी संगम असा
प्रत्येकाच्या मनामध्ये
जपला शिक्षणाचा वसा||३||
झाले सारे विद्यार्थी मोठे
लाभले तुमचे मार्गदर्शन
जीवनातील येणाऱ्या
संकटांचे करुन दिले दर्शन||४||
संकटांशी लढण्याची
ताकद तुमच्यामुळे मिळाली
भरकटलेल्या जीवनाची
दिशा मजला कळाली||५||
जीवनातील प्रेरणास्थान
आपले अनमोल शिक्षक
आमच्या उज्वल भविष्याचे
असती सदैव संरक्षक||६||
विनायक कृष्णराव पाटील बेळगाव
