मनातलं मनाशी
उठ मानवा नकोच करू
करू चिंता तुझ्या भविष्याची
गुज हे मनातलं मनाशी
मनाशी वेळ ही बोलण्याची //
एकांताचा तिटकारा नको
नको राग आप्त स्वकियांचा
प्रत्येक जण व्यस्त रे इथे
इथे प्रश्न पडतो वेळेचा //
दोष नको देऊ कोणालाही
कोणालाही घालू नको गळ
मनातलं मनाशी बोलून
बोलून वाढव आत्मबळ //
तूच आहे तुझा शिल्पकार
शिल्पकार नवनिर्माणाचा
मनातलं मनाशी बोल तू
तू मार्ग काढशी संकटाचा //
ताणतणाव विसरून जा
जा विचारांच्याही पलीकडे
सकारात्मकतेचा ठाव घे
घे झेप यशोशिखराकडे……
घे झेप यशोशिखराकडे…… //
दत्ता काजळे, ‘ज्ञानाग्रज’
उमरगा जि. उस्मानाबाद
=======
