आठवणींच्या खुणा
मासूम चेहऱ्यावर
आनंदाची अनुभूती येणे
पुन्हा आशा पल्लवित
करणे त्याच आठवणीने
फक्त दोन क्षणांची
फुरसत मिळायला हवी
धावून येतात अशाच
आठवणींची शिदोरी व्हावी
कधी आनंद कधी दुःख
आसवांची किनार ओली व्हावी
भूतकाळाच्या आठवणीत
भविष्याची स्वप्ने पहावी
दिवसामागून दिवस जातात
पूर्वीच्याच रस्त्यावरुन
काही क्षण चोरलेले असतात
आठवणींच्या हिंदोळ्यावरुन
विखुरलेल्या मनाला
नविन आशा मिळून जाते
आठवणींच्या डोलाऱ्यावर
एक नवी आशा दाखवते
याच आठवणींच्या सावलीत
जगण्याची प्रेरणा मिळावी
आणि याच आठवणींच्या विश्वात
जीवनाची रहस्य उलगडावी.
अर्चना राजू ईंकने
लाखांदूर भंडारा
