स्कूल ऑफ स्कॉलर्स बेलतरोडी येथील विद्यार्थ्यांचे घवघवीत यश
सतीश भालेराव, प्रतिनिधी नागपूर
नागपूर:- सी.बी.एस.ई. बोर्डाच्या दहावीच्या परीक्षेचा निकाल लागला. यात स्कूल ऑफ स्कॉलर्स बेलतरोडी येथील विद्यार्थ्यांनी घवघवीत यश मिळवले. शाळेतील १२१ विद्यार्थी परिक्षेला बसले होते. शाळेच्या निकाल १०० टक्के लागला. शाळेतील ओम उमेकरने ९७.०४ % घेऊन प्रथम क्रमांक, तर साहिल वर्गणेने ९७.०० % घेऊन व्दितीय, श्रेयसी खोब्रागडेने ९६.०४ % घेऊन तृतीय क्रमांक तर कार्तीक राणेकरने ९६.०२ % घेऊन चौथा क्रमांक पटकावला.
सी.बी.एस.ई. दहावीचा निकाल लागल्यावर स्कूल ऑफ स्कॉलर्स शाळेत उत्साहाचे वातावरण होते. विद्यार्थ्यांनी आपल्या यशाचे श्रेय शाळेतील सर्व शिक्षक, शिक्षीका व प्राचार्यांना दिले. स्कूल ऑफ स्कॉलर्स बेलतरोडी नागपूरच्या प्राचार्या केतकी शेंद्रे यांनी उत्तीर्ण झालेल्या सर्व विद्यार्थ्यांचे मनभरून कौतुक केले, व भविष्याच्या पुढील वाटचालीसाठी शुभेच्छा दिल्या.
