सावित्रीमाई
माई तुझ्या त्यागामुळे
जीवनाला अर्थ आला
स्पर्धेच्या या युगामध्ये
आमचा जन्म सार्थ झाला
शेण चिखल माती
सारी अंगावर घेतली
तरी शिक्षण कार्याला
माघार नाही घेतली.
दुष्ट समाजकंटक करी
स्त्री जातीवर व्यभिचार
अज्ञान आमचा शेतकरी
मात्र भीतीने राही लाचार
धुणी भांडी उष्टी काढा
कपाळावर आमच्या गोंदन
उद्धार करण्या स्त्री जातीचा
आम्हा शिक्षण दिले आंदण
विधवांना आधार देऊन
अनाथाची माता झाली
बालहत्या प्रतिबंधकाने
आमची क्रांतीज्योती झाली
माई तुझे उपकार आम्ही
कधी विसरणार नाही
करतो वंदन मनापासून
सावित्रीबाई तुझ्या ठाई
प्रा. दिनकर झाडे, सावित्रीबाई फुले कनिष्ठ महाविद्यालय , गडचांदूर जिल्हा चंद्रपूर.
