परमार्थ कर……
परमार्थ कर । गुप्त ठेव त्यांना ।
दुःख इतरांना । देणे टाळ ।।
वाईट करणे । नियमित त्याग ।
मोह, लोभ, राग । व्यर्थ सारे ।।
व्यर्थ आहे धन । मरण अटळ ।
काय धावपळ । करतोस? ।।
जिथे आहे तिथे । सर्व राहणार ।
देह सोडणार । आत्मज्योत ।।
आतला पाहुणा । निघून गेल्यास ।
नश्वर देहास । मोल कुठे? ।।
म्हणून देहाचा । नको अभिमान ।
ठेव स्वाभिमान । जगण्यात ।।
दिसण्यापेक्षाही । श्रेय असण्याला ।
तुझ्या कर्तव्याला । जाग वेड्या ।।
प्राण्यांची आहुती । दानव मागतो ।
ईश्वर रक्षतो । सगळ्यांना ।।
योग्य काय बघ । योग्य तेच कर ।
अजु जन्मभर । पुण्य कर ।।
डॉ ज्ञानेश्वर माशाळकर, उस्मानाबाद
=======