यक्षप्रश्न
काय लिहावे,कसे लिहावे
यक्षप्रश्न जेव्हा पडे मला
तेव्हा आपसुकच विश्राम
देतो मी सुसाट लेखणीला ||
विचारांची मालिका खंडित
होते जेव्हा क्षणभर कधी
द्यावीच विश्रांती लेखनाला
आणि घ्यावा पुरेसा अवधी ||
यक्षप्रश्नाची उकल होता
विचार मनातील जुळती
शब्द गुंफण करूनिया
भाव कवितेचे तरळती ||
होता मनाचे मनाशी सख्य
प्रश्न मनामध्ये ना साचती
क्षणभर विश्रांतीने पुन्हा
मनमयुर शब्दपुष्प वेचती ….
मनमयुर शब्दपुष्प वेचती….. ||
दत्ता काजळे (ज्ञानाग्रज)
उस्मानाबाद