अधुरी आशा
वाहवा माझ्या सौदंर्याची
घरीदारी व्हायची सदा
नव्हत्या मोकळ्या वाटा
भाऊ ऐकवी शब्दगदा
खुलू लागलं रूप माझं
तारूण्याच्या उंबरठ्यावर
न्याहाळत्या त्या नजरांनी
वेळीच आले मी भानावर
स्वच्छंदीपणाला प्रतिबंध
आपसूक बसला घरातून
फेरफटका मारायचं मन
बहरलेल्या रानावनातून
स्वप्नं रंगविली संसाराची
बनून स्वप्नातली राजपुत्री
एकटीच घरात असताना
तुटून पडली वासनांध कुत्री
क्षणात स्वप्नांचा त्या चुराडा
जगण्याची ना राहिली आशा
गतप्राण तनावर लांडग्यांनी
पुर्ण केली रे अधुरी आशा ?
निरोप घेतला जगाचा जरी
प्रश्न अजूनही हा अनुत्तरीत
मायबहिण दिसत नाही का ?
लिंगपिसाटांना सुंदर नारीत
संग्राम कुमठेकर
ता.अहमदपूर जि.लातूर
============
