स्वतःशी संवाद साधावा
अधून मधून आपण
स्वतःशीच संवाद साधावा॥
जगाच्या तुलनेत आपण कुठे?
याचा अंदाज बांधावा॥
इतरांना काही शिकविताना
आपलीच पाटी राहते कोरी॥
“मलाच कां मानत नाही कुणी”
नंतर नको असा कांगावा॥
स्वतःशी संवाद साधताना
कळतात आपल्या त्रुटी॥
ती न्यूनता भरून काढण्यासाठी
प्रयत्नांना धाडावा सांगावा॥
खूप अवघड आहे रे गड्या
आपल्याच आत डोकावणे॥
स्वःत आत्मपरिक्षण करून
व्यक्तीमत्वाचा कणा सांधावा॥
डाॅ. नझीर शेख
राहाता,अहमदनगर
