असेही घडू शकते ?
महासत्ता बनण्याचे
स्वप्नं का दाखविता ?
देवाधर्माच्या नावाने
लोकांनाच नाचविता
३३ कोटी देवांनीही
दिले नाही कधी दर्शन
संकटे आली तरीही
फिरले ना चक्र सुदर्शन
कोरोनातून माणसाने
घेतलाच नाही का बोध ?
जातीच्या नि धर्मांच्या
भांडणात वाढतोय क्रोध
आंधळा दळतो नि कुत्रा
खातो दिवसाढवळ्या पीठ
अतार्किक माणूस भित्रा
द्वेषानं दुधात घालतो मीठ
सोडून सारे ते वादविवाद
धर्मांधता कधी संपेल का ?
जोडू हृदय करून सुसंवाद
मानवता धर्म दिसेल का ?
देशात असेही घडू शकते ?
विश्वास तरी मनात जागवू
प्रकाशवाट रे प्रेरक असते
भारतीय लोकशाही वाचवू
संग्राम कुमठेकर
ता.अहमदपूर जि.लातूर